وفاقی وزیر داخلہ محسن نقوی نے لاہور میں نادرا سینٹر شملہ پہاڑی کا دورہ کیا۔
وزیر داخلہ کے دورے کے دوران نادرا سینٹر میں بہت زیادہ رش تھا، شہریوں نے شکایات کے انبار لگا دئیے۔
محسن نقوی نے شہریوں کی شکایات اوراسٹاف کی کمی کا نوٹس لے لیا اور سینٹر میں موجود شہریوں سے ملاقات کرکے ان کے مسائل دریافت کئے۔
اس موقع پر وزیر داخلہ نے کہا کہ نادرا سینٹر شملہ پہاڑی کو جلد مثالی سینٹر بنائیں گے، شہریوں کی شکایات کاجلد ازالہ کیاجائے گا۔
محسن نقوی نے کہاکہ مسائل حل کرنا کوئی احسان نہیں، ہماری ذمہ داری ہے۔
اس موقع پر شہری وفاقی وزیر داخلہ محسن نقوی کو اپنے درمیان پا کر بے حد خوش ہوئے، ایک بزرگ شہری نے ان سے گفتگو کرتے ہوئے کہا کہ آپ آگئے ہیں، اب ہمارے مسئلے حل ہو جائیں گے۔
