جسٹس محمد شفیع صدیقی سندھ ہائیکورٹ کے 27 ویں چیف جسٹس بن گئے۔
حلف برداری کی تقریب سندھ ہائیکورٹ میں منعقد ہوئی جہاں گورنر سندھ نے سندھ ہائی کورٹ کے 27ویں چیف جسٹس سے ان کے عہدے کا حلف لیا، حلف برداری کی تقریب میں وزیر اعلی سندھ، ججز صاحبان اور سابق ججز سمیت وکلا رہنما شریک ہوئے۔
ترجمان وزیراعلیٰ سندھ کے مطابق چیف جسٹس سندھ جسٹس محمد شفیع صدیقی کی حلف برداری سے قبل وزیراعلیٰ سندھ سید مراد علی شاہ اور گورنر سندھ محمد کامران ٹسوری کی ملاقات ہوئی، جبکہ وزیر اعلیٰ سندھ نے چیف جسٹس سندھ ہائی کورٹ جسٹس محمد شفیع صدیقی کو حلف لینے پر مبارکباد دی۔
