اسلام آباد: پی ٹی آئی کی پارلیمانی پارٹی نے جوڈیشل کمیشن کا حصہ بننے کی منظوری دے دی ہے۔

عمر ایوب کی زیر صدارت پی ٹی آئی پارلیمانی پارٹی کا اجلاس ہوا جس میں قومی اسمبلی کے موجودہ اجلاس اور 26 ویں ترمیم سمیت سیاسی صورتحال کا بھی جائزہ لیا گیا۔

اعلامیے کے مطابق پارلیمانی پارٹی نے سیاسی کمیٹی کے فیصلے کی تائید کردی ہے جب کہ ملک بھر میں جلسوں کے شیڈول سمیت احتجاجی تحریک کی بھی منظوری دی گئی ہے۔

اعلامیے میں مزید کہا گیا ہے کہ ارکان اسمبلی نے شیڈول کے مطابق احتجاجی جلسوں میں شرکت کا عزم کیا ہے۔