وزیر اعظم شہباز شریف کا کہنا ہے کہ شام کے معاملے پر نیوٹرل  پوزیشن رکھی ہوئی ہے، پاکستانیوں کی واپسی کا انتظام کرنا ہے۔

اسلام آباد میں  وفاقی کابینہ اجلاس میں گفتگو کرتے ہوئے وزیر اعظم شہبازشریف نے کہا کہ شام میں چنددنوں میں حالات یکسرتبدیل ہوگئے۔ شام کےمعاملےمیں پاکستان نےسفارتی طورپرنیوٹرل پوزیشن رکھی ہے۔

شہباز شریف نے کہا کہ پاکستان سے 250 زائرین شام گئے ہوئے ہیں اور پرانے وقتوں سے پاکستانی  وہاں آباد ہیں۔ ان کی واپسی کا انتظام  کرنا ہے۔

انہوں نے کہا کہ  کل لبنان کے وزیر اعظم سے بات ہوئی ہے۔ لبنانی وزیر اعظم نے کہا کہ بغیر ویزہ بھی  پاکستانیوں کو ملک میں داخلے کی اجازت دے دوں گا۔

وزیر اعظم نے کہا کہ میری شام اور لبنان میں سفراء سے بات ہوگئی ہے۔

شہباز شریف نے مزید کہا کہ ہفتہ وار مہنگائی کی شرح مزید کم ہو کر 3.57 پر آگئی ہے۔ معاشی استحکام سیاسی استحکام سے جڑا ہوا ہے۔ سول نافرمانی کی کال دینے سے بڑی پاکستان سے دشمنی اور کیا ہوسکتی ہے۔

انہوں نے بتایا کہ کل آذربائیجان کے سفیر میرے پاس آئے اور کہا کہ  آپ فروری میں آذربائیجان  کا دورہ کریں۔