وفاقی وزیر خزانہ محمد اورنگزیب نے کہا ہے کہ معاشی نظام کو شرعی اصولوں کے مطابق بنانے کا عزم ہے۔
وزیر خزانہ محمد اورنگزیب نے کراچی میں تقریب سے خطاب کرتے ہوئے کہا کہ اسلامی کانفرنس کے انعقاد پر ایس سی سی پی، ائیوفی، اسلامک ڈیولپمنٹ کو خراج تحسین پیش کرتا ہوں۔
انہوں نے کہا کہ حکومت پاکستان کا عزم ہے کہ معاشی نظام کو تبدیل کر رہی ہے، معاشی نظام کو شرعی اصولوں کے مطابق بنانے کا عزم ہے۔
محمد اورنگزیب نے کہا کہ ہماری پیش رفت اچھی ہے، ہمیں مالی پریشانیاں درپیش ہیں اسے ملکر حل کرنا ہے۔
وزیر خزانہ نے مزید کہا کہ ہم درست سمت کی جانب گامزن ہیں، اسلامی کیپٹل مارکیٹ اہم ہے، اسکوک سود سے پاک قرض کے لئے اہم ہے، پاکستان کی صلاحیت ہے اسلامی حب کے طور پر ابھرنے کی۔
