لاہور: وزیر اطلاعات پنجاب عظمیٰ بخاری نے حسان نیازی کی فوجی افسر کی پینٹ لہرانے کی ویڈیو شیئر کردی۔

عظمیٰ بخاری نے اپنے جاری کردہ بیان میں کہا کہ حفیظ اللہ نیازی یقیناً تکلیف سے گزر رہے ہیں، ان کی وزیراعلیٰ پنجاب مریم نواز پر تنقید بے بنیاد ہے، انکا اپنا بیٹا حسان نیازی اپنے ماموں پر چلا گیا ہے۔

انہوں نے مزید کہا کہ حسان نیازی کا ماموں ہمیشہ سے تشدد، دہشتگردی اور فساد کو پرموٹ کرتا رہا ہے، ان کا جرم صرف فوجی پینٹ لہرانا نہیں بلکہ اسکا پورا ٹریک ریکارڈ ہے، اگر آپ نے حسان نیازی کی ویڈیوز نہیں دیکھی یادداشت بحالی کے لیے ویڈیو شیئر کررہی ہوں۔