کوئٹہ میں ضروری مرمت کے کام کے سلسلے میں 31 جنوری بروز جمعہ کو رات 11 بجے سے صبح 05 بجے تک گیس کی فراہمی کچھ علاقوں میں معطل رہی گی۔
سوئی سدرن گیس کمپنی کے مطابق زرغون روڈ، بلوچستان ہائی کورٹ، گورنر ہاؤس، وزیراعلی ہاؤس، جناح روڈ، کواری روڈ، سرکی روڈ، سیٹلائٹ ٹاؤن، لیاقت بازار،میں گیس معطل رہے گی۔
کندھاری بازار، کاسی روڈ، پشتون آباد، علمدار روڈ، مری آباد، طوغی روڈ، مشن روڈ، اور ان کے اطراف کے علاقوں میں بھی گیس معطل رہے گی۔
سوئی سدرن گیس کمپنی حکام کا کہنا ہے کہ صارفین کو درپیش آنے والی تکالیف کے لیے ادارہ معذرت خواہ ہے، صارفین سے درخواست کی جاتی ہے کہ متبادل ایندھن کا انتظام کر لیں۔
