اسلام آباد: وزارت مذہبی امور نے اعلان کیا ہے کہ نجی حج اسکیم کے تحت رہ جانے والے 67 ہزار عازمین اب رواں سال حج پر نہیں جا سکیں گے۔
وزارت کے ترجمان کے مطابق سعودی حکومت کی جانب سے مزید حج کوٹہ کی منظوری نہ ملنے کی وجہ سے یہ فیصلہ ناگزیر ہوا۔
وزارت مذہبی امور نے عوام کو خبردار کیا ہے کہ وہ نجی ٹور آپریٹرز کو مزید رقوم جمع نہ کرائیں۔
ترجمان نے کہا کہ جن عازمین نے حج کی تیاری کی تھی، وہ متعلقہ ٹور آپریٹرز کی ویب سائٹس پر جا کر ان کے کوٹہ کی دستیابی سے متعلق تفصیلات ضرور چیک کریں تاکہ کسی بھی قسم کی دھوکہ دہی سے بچا جا سکے۔
وزارت مذہبی امور نے تمام متاثرہ افراد سے تعاون کی اپیل کی اور کہا کہ صورتحال سے مکمل آگاہی کے لیے وزارت کی ویب سائٹ اور آفیشل ذرائع پر نظر رکھیں۔
