بھارتی کرکٹ ٹیم کی سلیکشن کمیٹی کے سربراہ اجیت اگرکر نے پاکستان اور بھارت کے درمیان میچ سے قبل لفظی جنگ چھیڑ دی۔
گزشتہ روز بھارتی سلیکشن کمیٹی چیئرمین اجیت اگرکر اور کپتان روہت شرما نے مشترکہ پریس کانفرنس کرتے ہوئے ایشیاکپ کیلئے 17 رکنی اسکواڈ کا اعلان کیا تو اس موقع پر صحافیوں کی جانب سے سوال کیا گیا کہ پاکستانی فاسٹ بولرز شاہین آفریدی اور حارث رؤف کے خلاف کوئی پلان ہے؟
جس پر سلیکشن کمیٹی کے چیئرمین اجیت اگرکر نے مسکراتے ہوئے جواب دیا کہ ویرات کوہلی انہیں دیکھ لیں گے۔
Reporter – "Any plan for Harris rauf and Shaheen"
Ajit Agarkar – Virat Kohli will take care of them (laughs) pic.twitter.com/MUSdlxOVLK
— Kevin (@imkevin149) August 21, 2023
قبل ازیں ایشیاکپ کیلئے بھارتی ٹیم کے اعلان کے بعد سابق کرکٹرز مدن لعل، عرفان پٹھان اور سنجے منجریکر نے ٹیم کی سلیکشن پر سوال اُٹھائے تھے جبکہ انجرڈ کھلاڑیوں کو ٹیم میں جگہ دینے پر اجیت اگرکر پر تنقید بھی کی تھی۔
دوسری جانب سوشل میڈیا پر پاکستانی فینز کی جانب سے کہا جارہا ہے کہ بھارتی ٹیم کے سابق پلئیرز ایک مرتبہ پھر بڑی باتیں کررہے ہیں جس کا نتیجہ کہیں شکست کی صورت نہ بھگتنا پڑ جائے۔
واضح رہے کہ روایتی حریف پاکستان اور بھارت کی ٹیمیں 2 ستمبر کو ایشیاکپ میں ایک دوسرے کے مدمقابل آئیں گی۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
