معروف اداکارہ اتھیا شیٹی اور کرکٹر کے ایل راہول کی شادی کی تصاویر وائرل ہو گئی ہیں۔
حال ہی میں بھارت کے معروف اداکار سنیل شیٹی کی بیٹی اتھیا شیٹی اور کرکٹر کے ایل راہول شادی کے بندھن میں بندھے ہیں اور اب ان کی تصاویر سوشل میڈیا پر وائرل ہو گئی ہیں۔
بھارتی کرکٹر کے ایل راہول نے اپنے ٹوئٹر اکاؤنٹ پر شادی کی تصاویر پوسٹ کی ہیں جنہیں مداحوں کی جانب سے خوب پسند کیا جارہا ہے۔
“In your light, I learn how to love…” ♥️
Today, with our most loved ones, we got married in the home that’s given us immense joy and serenity. With a heart full of gratitude and love, we seek your blessings on this journey of togetherness. 🙏🏽@theathiyashetty pic.twitter.com/1VWxio5w6W
— K L Rahul (@klrahul) January 23, 2023
یہ بھی پڑھیں؛ اتھیا شیٹی اور کے ایل راہول کی سنگیت کی تصاویر لیک ہو گئیں
شیئر کی گئی تصاویر میں دیکھا جاسکتا ہے کہ دونوں ہی بہت پیارے لگ رہے ہیں، ایک تصویر میں اتھیا شیٹی اور کے ایل راہول پھیرے لے رہے ہیں۔
ایک تصویر میں کے ایل راہول اپنی اہلیہ اتھیا شیٹی کے ہاتھ پر بوسہ دے رہے ہیں۔
واضح رہے کہ اداکار سنیل شیٹی کی صاحبزادی اتھیا شیٹی اور کے ایل راہول کی شادی کی تقریب سنیل شیٹی کے کھنڈالا کے بنگلے میں ہوئی تھی جس میں دونوں کے خاندانوں سمیت دوستوں نے شرکت کی۔
دوسری جانب بھارت کے معروف اداکار اجے دیوگن نے اپنے ٹوئٹر اکاؤنٹ پر سنیل شیٹی کو بیٹی اتھیا شیٹی کی کے ایل راہول کے ساتھ شادی پر مبارکباد دی ہے۔
اُنہوں نے ٹوئٹ میں لکھا ہے کہ’میرے پیارے دوستوں، سنیل شیٹی اور مانا شیٹی کو ان کی بیٹی اتھیا سیٹی کی کرکٹر کے ایل راہول سے شادی پر بہت مبارک ہو‘۔
انہوں نے سنیل شیٹی کو مخاطب کرتے ہوئے لکھا کہ ’اس پر مسرت موقع پر آپ کو خاص طور پر مبارکباد دیتا ہوں‘۔
