مسلم لیگ (ق) کے صوبائی صدر چوہدری پرویز الہیٰ نے کہا ہے کہ حکومت کی انتقامی کارروائیوں کا بدلا عوام الیکشن میں لے گی۔
سماجی رابطے کی ویب سائٹ ٹوئٹر پر اپنے جاری کردہ بیان میں پرویز الہیٰ نے کہا کہ پنجاب اسمبلی چودہ جنوری کو تحلیل ہوئی تاحال گورنر تاریخ نہیں دے رہا، امید ہے عدلیہ کا اس حوالے سے فیصلہ تاریخی ہوگا۔
پی ڈی ایم کو انتقام کے ایجنڈے کے سوا کوئی اورکام ہی نہیں۔ شہبازشریف نے معیشت تباہ کرکے رکھ دی۔ سب نام نہاد تجربہ ایکسپوز ہوگیا۔شہبازشریف کا صرف شعبدہ بازی کا تجربہ ہے، انکی ناقص گورنس ساری دنیا نے دیکھ لی۔
— Ch Parvez Elahi (@ChParvezElahi) February 7, 2023
حکمران پنجاب اور کے پی میں انتخابات کی تاریخ دینے سے خوفزدہ ہیں
انہوں نے کہا کہ انتخاب کے لئے بننے والی نگران حکومت انتخاب سے ہی راہ فرار اختیار کررہی ہے، نگران سیٹ اپ جان لے، انتخابات کے علاوہ انکا کوئی مینڈنٹ نہیں۔
سابق وزیراعلیٰ نے کہا کہ حکمران پنجاب اورخیبر پختونخوا میں انتخابات کی تاریخ دینے سے خوفزدہ ہیں۔ نگران سیٹ اپ انتخاب کو پس پشت ڈال کر انتقامی کارروائیوں میں مصروف ہے۔
انکا کہنا ہے کہ حکومت کی انتقامی کارروائیوں کا عوام الیکشن میں بدلا لیں گے، عوام ووٹ کی طاقت سے حکمرانوں کے غیر آئینی اور غیر قانونی اقدامات کا جواب دیں گے۔
نگران سیٹ اپ آئین اور قانون سے کھیل رہا ہے
پرویز الہیٰ نے کہا کہ نگران سیٹ اپ آئین اور قانون سے کھیل رہا ہے، سیکرٹری اسمبلی محمد خان بھٹی کی گرفتاری اور انکی رہائش گاہ پر چھاپے کی مذمت کرتے ہیں۔
نگران سیٹ اپ انتخاب کو پس پشت ڈال کر انتقامی کارروائیوں میں مصروف ہے۔حکومت کی انتقامی کارروائیوں کا عوام الیکشن میں بدلہ لیں گے۔ عوام ووٹ کی طاقت سے حکمرانوں کے غیر آئینی اورغیر قانونی اقدامات کاجواب دیں گے۔نگران سیٹ اپ آئین اور قانون سے کھیل رہا ہے۔
— Ch Parvez Elahi (@ChParvezElahi) February 7, 2023
انہوں نے کہا کہ نگران حکومت کے غیر قانونی اور غیر آئینی اقدامات کے خلاف عدالت سے رجوع کرنے کا فیصلہ کیا ہے، نگران حکومت چادر چار دیواری کا تقدس پامال کر رہی ہے۔
پی ڈی ایم کو انتقامی ایجنڈے کے سوا کوئی اور کام نہیں
سابق وزیراعلیٰ پنجاب نے کہا کہ پی ڈی ایم کو انتقام کے ایجنڈے کے سوا کوئی اور کام ہی نہیں، شہباز شریف نے معیشت تباہ کرکے رکھ دی۔
چوہدری پرویز الہیٰ نے مزید کہا کہ سب نام نہاد تجربہ ایکسپوز ہوگیا، شہباز شریف کا صرف شعبدہ بازی کا تجربہ ہے، انکی ناقص گورنس ساری دنیا نے دیکھ لی۔
