گوگل میپس ایسا دلچسپ ٹول ہے جس کے ذریعے آپ ان جگہوں کو بھی دیکھ سکتے ہیں جہاں آپ کے جانے کے امکانات کم ہوں۔
لیکن مختلف مقامات کی تلاش کے دوران آپ کا سامنا چند عجیب و غریب چیزوں سے بھی ہوجاتا ہے جن کے بارے میں آپ نے کبھی سوچا بھی نہیں ہوتا۔
درحقیقت ان میں سے بعض چیزیں کسی حد تک متنازعہ ہیں کیونکہ ان کے حوالے سے بیان کی جانے والی تفصیلات واضح نہیں ہیں۔
کوکا کولا کا لوگو
چلی کے شہر اریکا کے قریب واقع پہاڑ کی ڈھلوان پر تعمیر کیا جانے والا کوکا کولا کا لوگو جو دنیا کا سب سے بڑا لوگو قرار دیا جاتا ہے۔
گوگل میپ کے ذریعے دکھائی دینے والا یہ لوگو کمپنی کی 100 ویں سالگرہ کے موقع پر کوک کی 70 ہزار خالی بوتلوں کی مدد سے تیار کیا گیا ہے۔
انٹارٹیکا پر پراسرار اہرام کی دریافت
سوال یہ ہے کہ کہ کیا انٹارکٹیکا کی برف میں چھپا ہوا یہ اہرام کی شکل کا ڈھانچہ ایک اور قدیم تہذیب کی میراث ہے، یہ ابھی بھی ایک بحث ہے۔ اس اہرام کے بارے میں کئی نظریات پائے جاتے ہیں لیکن اب تک کوئی بھی متفقہ رائے قائم نہیں کی جاسکی۔
بلند و بالا عمارات کے درمیان کروز شپ
یہ جہاز ایک عمارت ہے جو کہ ہانگ کانگ میں ایک شاپنگ سینٹر ہے۔
یہ خاص طور پر رات کے وقت شاندار نظر آتا ہے جب ساری لائٹس روشن ہوتی ہیں۔
دیو کے پاؤں کا نقش
تصویر میں نظر آنے والا کسی دیو کے پاؤں کے نقش کی مانند اسٹرکچر درحقیقت 377 فٹ لمبی بھول بھلیاں ہیں جو کہ ہمسفائر کے ایک چھوٹے سے گاؤں میں واقع ہے۔
گلیور، ایک عمارت کی چھت سے بندھا ہوا
بچوں کے لیے بنائے جانے والے دنیا کے سب سے عجیب کھیل کے میدانوں میں سے ایک میدان اسپین کے شہر Valencia میں واقع ہے۔
اس میدان میں متعدد سلائیڈز خفیہ راستے اور والدین کے بیٹھنے کے لیے ایک وسیع ترین بینچ موجود ہے، اس میدان کا ڈیزائن کسی امیوزمنٹ پارک کی مانند ہے۔
خلائی بلی
بلی کی شکل کا یہ ڈیزائن تقریباً 9 ہزار سال پرانا ہے، ایک غلط نظریے کے مطاہق یہ ایک خلائی بلی ہے جو دوسری دنیا سے یہاں آئی ہے۔
یہ مقام درحقیقت دنیا کا خشک ترین مقام ہے جسے اٹاکاما صحرا کے نام سے جانا جاتا ہے اور گزشتہ کئی صدیوں سے یہاں بارش کا ایک قطرہ بھی نہیں گرا۔
آرٹ کا نمونہ نہیں نمک کی فیکٹری
یہ نائجر کے ایک چھوٹے سے گاؤں کا منِظر ہے جہاں 50 خاندان آباد ہیں۔
ان کا ذریعہ معاش مٹی کے تالابوں سے نمک نکالنا ہے۔ ہر تالاب پانی سے بھر جاتا ہے جس میں نمک والی خاص مٹی رکھی جاتی ہے۔
اس کے بعد نمکین پانی کو فلٹر کر لیا جاتا ہے، پانی کے بخارات بنتے ہی نمک کے کرسٹل نظر آتے ہیں۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
