سندھ پولیس کی جانب سے عوام سے رشوت طلب کرنا کوئی نئی بات نہیں لیکن اس بار انہوں نے پاکستان کی نمائندگی کرنے والے کرکٹرز کو بھی نہ بخشا۔
پاکستان کرکٹ ٹیم کی نمائندگی کرنے والے کھلاڑی صہیب مقصود اور عامر یامین نے سوشل میڈیا پر سندھ پولیس کی رشوت خوری کی داستان بیان کرتے ہوئے کہا کہ سندھ پولیس میں کرپشن عروج پر ہے۔
قومی ٹیم کے مڈل آرڈر بلے باز صہیب مقصود نے گزشتہ روز اپنے ایکس اکاؤنٹ پر ایک پوسٹ کی جس میں انہوں نے لکھا کہ ہم بہت خوش قسمت ہیں کہ سندھ کے بجائے پنجاب میں رہتے ہیں کیوں کہ سندھ میں ہر 50 کلو میٹر پرآپ کو روک پر رشوت طلب کی جاتی ہے۔
https://twitter.com/sohaibcricketer/status/1729219848230613220
انہوں نے لکھا کہ زندگی میں پہلی بار کراچی سے ملتان بذریعہ روڈ سفر کررہا ہوں تو اس دوران سندھ پولیس کی جانب سے رشوت طلب کی گئی اور پیسے نہ دینے کی صورت میں دھمکی بھی دی گئی کہ بغیر کسی وجہ کے آپ کو پولیس اسٹیشن لے جایا جائے گا۔
صہیب مقصود نے مزید لکھا کہ ایک بار پیسے دینے کے بعد آپ کو دوبارہ روکا جاتا ہے ، یہاں تک کہ ہم نے انہیں بتایا کہ بھی کہ ہم انٹرنیشنل کرکٹرز ہیں لیکن اس کے باوجود ہم سے 8 ہزار روپے لینے کے بعد جانے دیا گیا۔
We are so lucky that we live In Punjab not in Sindh first time in my life I am travelling from Karachi to Multan by Road and sindh police is so corrupt that they stop you after 50 km and ask for money them @SindhPoliceDMC @BBhuttoZardari @faizanlakhani @MuradAliShahPPP
— Amir Yamin (@amiryamin54) November 27, 2023
دوسری جانب عامر یامین نے بھی کچھ اسی طرح کی ٹوئٹ کرتے ہوئے بتایا کہ جس طرح سندھ پولیس نے ہمیں پریشان کیا، ایسا پنجاب سمیت کسی دوسرے صوبے میں نہیں ہوتا۔
واضح رہے کہ نیشنل ٹی 20 کپ میں صہیب مقصود اور عامر یامین ملتان ریجن کی نمائندگی کر رہے تھے۔
