دنیا بھر میں 8 ارب سے زائد افراد موجود ہیں جن میں سے زیادہ تر کے چہرے ایک دوسرے سے مختلف ہوتے ہیں۔

لیکن کیا آپ جانتے ہیں کہ ہر فرد کا چہرہ دوسرے سے مختلف کیوں ہوتا ہے؟ اگر نہیں تو آئیے ہم آپکو بتاتے ہیں۔

ایک حالیہ تحقیق کے مطابق حمل کے دوران خواتین کی غذائی عادات ہر فرد کے چہرے کے منفرد فیچرز پر اثر انداز ہوتی ہیں۔

جی ہاں، تحقیق میں بتایا گیا کہ حمل کے دوران ماں کی جانب سے زیادہ پروٹین کے استعمال سے بچے کی ناک بڑی ہو جاتی ہے جبکہ جبڑے کشادہ ہو جاتے ہیں۔

بنیادی شکل و صورت کا تعین تو والدین کے جینز کرتے ہیں، مگر اکثر بہن بھائی دیکھنے میں ایک دوسرے سے مختلف ہوتے ہیں، درحقیقت ہم شکل جڑواں افراد بھی کبھی بھی مکمل طور پر ایک جیسے نہیں ہوتے۔

سائنسدان کا کہنا ہے کہ ماں کی غذا جزوی طور پر شکل و صورت بننے میں کردار ادا کرتی ہے۔

انہوں نے بتایا کہ ہم نے دریافت کیا کہ ماں کی غذا بچے کی شکل و صورت کے حوالے سے کردار ادا کرتی ہے اور اس سے ہی ہمارے چہرے دوسروں سے مختلف ہوتے ہیں۔

واضح رہے کہ یہ تحقیق چوہوں اور مچھلیوں پر کی گئی جس میں دریافت ہوا کہ ماؤں کے زیادہ پروٹین کے استعمال سے چہرے کشادہ ہوتے ہیں جبکہ پروٹین کا کم استعمال پتلے چہروں کا باعث بنتا ہے۔