پیرس فیشن ویک میں خوبرو ماڈلز نے ڈیزائنز ڈریسز پہن کر  گھوڑوں کیساتھ ریمپ واک کی اور سب کو اس منفرد منظر سے حیران کردیا۔

پیرس فیشن ویک 2023 میں ڈیزائنر سٹیلا میک کارٹنی کے ڈیزائن کردہ ملبوسات میں ماڈلز سے پہلے گھوڑوں نے ریمپ پر انٹری دی اور پھر حاضرین کے سامنے گھوڑوں کی موجودگی میں ماڈلز نے جلوے بکھیرے۔

Designer Stella McCartney explored the relationship between humans and nature in her Fall-Winter collection at Paris Fashion Week with a team of horses alongside models, who wore styles made with eco-conscious materials https://t.co/aqNL1k296I pic.twitter.com/MxslanZ4or

— Reuters (@Reuters) March 7, 2023

سٹیلا میک کارٹنی نے اس سال اپنی کلیکشن میں چمڑے کا استعمال کیے بغیر ماحول دوست ملبوسات شامل کرکے جانوروں کے حقوق اور ان کی اہمیت کو اجاگر کیا۔

میک کارٹنی کا کہنا تھا کہ ان کی کلیکشن میں جانوروں کی کھال یا بال جیسی کوئی ایسی چیز استعمال نہیں کی گئی جس سے کسی جانور کو نقصان پہنچا ہو یا اسے مارا گیا ہو۔

ڈیزائنر نے گھوڑوں کے پرنٹ پر مبنی اپنی خصوصی کلیکشن بھی متعارف کروائی جبکہ دیگر ماڈلز نے خاتون ڈیزائنر کی بہن اور والدہ کی کھینچی ہوئی گھوڑوں کی تصاویر تھام رکھی تھیں۔

یہ بھی پڑھیں: لندن فیشن ویک میں ’راستہ‘ کی نمائش