بھارتی ریاست کرناٹک کے ایک کالج کی طالبہ نے پیچھا کرنے اور مبینہ طور پر ہراساں کرنے والے نوجوان کی چھترول کر دی جس کی ویڈیو سوشل میڈیا پر وائرل ہوگئی ہے۔
بھارتی میڈیا رپورٹس کے مطابق یہ واقعہ اس وقت پیش آیا جب یہ لڑکی اپنے ہاسٹل سے کالج جا رہی تھی کہ ایک نوجوان نے اس کا پیچھا کیا اور ہراساں کرنے کی کوشش کی۔
لڑکے کی اس حرکت پر اس نے گھبرانے اور ڈرنے کے بجائے بہادری کا مظاہرہ کیا اور اپنی حفاظت کرتے ہوئے اس شخص پر سرعام چپلوں کی بارش کردی۔
Video | Man Allegedly Follows, Harasses Karnataka College Student, Beaten With Slippers https://t.co/HVQ0CKISQO pic.twitter.com/O8Kc05G9kZ
— NDTV (@ndtv) June 10, 2023
سوشل میڈیا پر وائرل ہونے والی اس ویڈیو میں دیکھا جا سکتا ہے کہ ایک طلبہ نوجوان کو چپل سے مار رہی ہے جس پر وہ نوجوان جوابی حملہ نہیں کرتا بلکہ مقامی لوگوں سے درخواست کرتا ہے کہ اسے جانے دیا جائے۔
واضح رہے کہ اس شخص کو پکڑ کر پولیس کے حوالے کردیا گیا ہے۔
