خونخوار تیندوے نے شہر میں خوف وہراس پھیلا دیا جس کی ویڈیو سوشل میڈیا پر تیزی سے وائرل ہوگئی ہے۔

حال ہی میں ایک ویڈیو سوشل میڈیا پر خوب وائرل ہورہی ہے جس میں ایک خونخوار تیندوے کو آزادانہ طور پر چہل قدمی کرتے ہوئے دیکھا جاسکتا ہے۔

Videos | Leopard spotted behind barbed boundary wall of Oberoi Splendor on JVLR in Mumbai. pic.twitter.com/IZqsSm11mU

— MUMBAI NEWS (@Mumbaikhabar9) February 11, 2024

بھارتی میڈیا کے مطابق بھارت کے شہر ممبئی کی ایک رہائشی سوسائٹی کے پاس رات کے وقت ایک تیندوا اچانک نمودار ہوا جسے سی سی ٹی وی کیمروں کی مدد سے دیکھا گیا۔

سوشل میڈیا پر وائرل ہونے والی اس ویڈیو میں خونخوار تیندوے کو باؤنڈری وال کے قریب گھومتے ہوئے دیکھا جاسکتا ہے جبکہ اس کے بعد ممبئی کی سوسائٹی میں خوف و ہراس پھیل گیا جس پر مکینوں نے محکمہ جنگلات سے رابطہ کیا۔

بعد ازاں محکمہ جنگلات کے حکام نے فوری اقدامات کرتے ہوئے چیتے کو قابو کر کے پکڑ لیا۔

سوشل میڈیا پر اس ویڈیو پر مختلف تبصرے کیے جارہے ہیں۔