مائیکروسافٹ کے شریک بانی بل گیٹس نے اپنے دورہ بھارت کی ایک خوشگوار ویڈیو شیئر کی ہے، جو کہ تیزی سے وائرل بھی ہوگئی ہے۔
اس کلپ میں، بل گیٹس کو مقامی ثقافت کا بہت ذاتی انداز میں تجربہ کرتے ہوئے دیکھا گیا ہے جہاں وہ چائے کے کپ سے لطف اندوز ہوتے ہوئے نظر آرہے ہیں۔
View this post on Instagram
ویڈیو میں بل گیٹس ایک چائے کے اسٹال پر کھڑے ہوئے نظر آرہے ہیں جو کہ بھارت سے تعلق رکھنے والے اور سوشل میڈیا پر مقبول ڈولی چائے والا کا ہے۔
انسٹاگرام پوسٹ پر جہاں بل گیٹس نے روزمرہ کی زندگی میں پائی جانے والی چائے کی تعریف کی اور لکھا ہے، “ہندوستان میں، آپ جہاں بھی جائیں، جدت تلاش کر سکتے ہیں – یہاں تک کہ چائے کے ایک کپ کی تیاری میں بھی!”
اس کلپ کا آغاز گیٹس کے ڈولی چائے والا سے “ایک چائے، پلیز” کی درخواست کے ساتھ ہوتا ہے اور چائے تیار کرنے کا انوکھا طریقہ ایک خاص بات ہے، جو اس کے فن کی ایک جھلک پیش کرتا ہے۔
جیسے ہی بل گیٹس گلاس سے گرم چائے کا گھونٹ پیتے ہیں، وہ بھارت کا دوبارہ دورہ کرنے کے حوالے سے اپنے جوش و خروش کا اظہار کرتے ہیں۔
