سندھ کے شہر ٹنڈو الہ یار کی تحصیل میں پرائمری اسکول کی جانب سے بارات چھوڑ کر طلبہ کے امتحان لینے کے لیے اسکول پہنچنے کی ویڈیو وائرل ہوگئی۔
حال ہی میں ایک ویڈیو سوشل میڈیا پر خوب وائرل ہورہی ہے جس میں پرائمری استاد کو عروسی لباس میں طلبہ سے امتحانات لیتے ہوئے دیکھا جا سکتا ہے۔
View this post on Instagram
رپورٹ میں بتایا گیا کہ ٹنڈو الہ یار کی تحصیل چمبڑ کے گوٹھ میں موجود سرکاری پرائمری اسکول کے استاد کی شادی تھی اور وہ بارات لے کر دوسرے شہر جا رہے تھے لیکن بارات سمیت دوسرے شہر جانے سے قبل اسکول آگئے۔
آئی بی اے ٹیسٹ پاس کرکے پرائمری ٹیچر بننے والے شیراز رسول خاصخیلی کے مطابق ان کی شادی امتحانات سے قبل ہی طے تھی لیکن ان کی شادی کے دن بچوں کے امتحانات ہونے تھے، اس لیے وہ بارات کو چھوڑ کر اسکول آئے۔
View this post on Instagram
پرائمری اسکول ٹیچر کی جانب سے عروسی میں لباس میں اسکول آکر پرائمری اسکول کے بچوں کے امتحانات لینے کی ویڈیو وائرل ہوگئی اور لوگوں ان کی تعریفیں کیں۔
پرائمری اسکول ٹیچر شیراز رسول خاصخیلی بچوں سے امتحانی پیپر لینے کے بعد بارات سمیت ٹنڈو الہ یار سے ٹنڈو آدم خان دلہن لینے چلے گئے۔
