ایل پی جی کی قیمتوں سے متعلق انتہائی اہم خبر آ گئی ہے۔
تفصیلات کے مطابق روس سے خام تیل کے بعد ایل پی جی کی پہلی شپمنٹ پاکستان پہنچ گئی جس کی تصدیق روسی سفارتخانے نے کی ہے۔
Russia has delivered the first batch of liquefied petroleum gas (LPG) in the amount of 100 thousand metric tons to Pakistan through Iran’s Sarakhs Special Economic Zone. Consultations on the second shipment are underway
pic.twitter.com/AZJwf5f9I5— RusEmbassy_Pakistan (@RusEmbPakistan) September 26, 2023
اسلام آباد میں قائم روس کے سفارتخانے کی جانب سے بتایا گیا کہ پاکستان کو سستی روسی لکویڈ پیٹرولیم گیس (ایل پی جی) کی پہلی شپمنٹ موصول ہوگئی۔
سفارتخانے کے مطابق ایل پی جی ایران کی مدد سے پاکستان کو پہنچائی گئی۔ اس سے قبل پاکستان کو رواں سال کے آغاز میں دونوں ممالک کے درمیان مذاکرات کے نتیجے میں پہلی بار روسی خام تیل بھی موصول ہوچکا ہے۔
روسی حکام نے سوشل میڈیا پر اپنے جاری کردہ ایک بیان میں بتایا ہے کہ ایران کے سارکھ اسپیشل اکنامک زون کے ذریعے پاکستان کو ایک لاکھ میٹرک ٹن ایل پی جی پہنچائی گئی۔
انہوں نے کہا کہ دوسری شپمنٹ سے متعلق بات چیت جاری ہے، سفارتخانے نے ایران کے تعلق کے حوالے سے مزید تفصیلات فراہم نہیں کی اور نہ ہی یہ واضح ہے کہ ایل پی جی کی قیمت کیا ہے؟ اور کیا یہ رعایتی قیمت پر فراہم کی گئی ہے؟۔
پاکستانی حکام کا کہنا تھا کہ روسی خام تیل کی خریداری چینی کرنسی میں کی گئی تاہم اس معاہدے کی لاگت سے متعلق کچھ نہیں بتایا گیا۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
