حکومت نے عوام کو بڑی خوشخبری سنادی ہے۔
ادارہ شماریات کی جانب سے جاری کردہ رپورٹ کے مطابق پاکستانی برآمدات میں 8 ماہ کے دوران 1 ارب 69 کروڑ ڈالر سے زائد اضافہ ہوا ہے۔ خوراک کی برآمدات 54 فیصد اضافے سے چار ارب 96 کروڑ ڈالر تک پہنچ گئیں۔
اس عرصے کے دوران صرف فروری 2024 میں فوڈ ایکسپورٹ 35 فیصد اضافے سے 70 کروڑ ڈالر رہی، پاکستانی باسمتی چاول، گوشت، پھل، سبزی، تمباکو، مصالحوں کی مانگ میں اضافہ ہوا۔
خام کپاس، گندم، پنکھوں، ٹرانسپورٹ سامان کی برآمدات میں اضافہ دیکھا گیا، جیولری، چینی، سیمنٹ، ٹائر، ٹیوبز اور گڑ سے بنی مصنوعات کی برآمدات بڑھ گئی۔
سرکاری اعداد وشمار کے مطابق جولائی سے فروری انجینرنگ گڈز، الیکٹریل سامان کی ایکسپورٹ میں بھی اضافہ ریکارڈ کیا گیا۔
اس کے علاوہ پاکستانی ٹیکسٹائل برآمدات 0.65 فیصد کمی سے 11 ارب ڈالر ریکارڈ کی گئیں، گزشتہ مالی سال اسی مدت میں ٹیکسٹائل برآمدات کا حجم 11 ارب 21 کروڑ ڈالررہا تھا۔
