آئل اینڈ گیس ریگولیٹری اتھارٹی (اوگرا) نے عید کے روز مائع پٹرولیم گیس (ایل پی جی) مہنگی کر دی۔
ماہ اپریل کیلئے ایل پی جی کا گھریلو سیلنڈر 6 روپے 40 پیسے مہنگا کردیا گیا اور فی کلو قیمت 54 پیسے بڑھا دی گئی۔
ایل پی جی کے گھریلو سیلنڈر کی نئی قیمت 2 ہزار 930 روپے 71 پیسے مقرر کردیے گئے ہیں۔
مارچ کے لئے ایل پی جی گھریلو سیلنڈر 2 ہزار 924 روپے 31 پیسے تھی۔
بعدازاں اوگرا نے ایل پی جی سیلنڈر کی قیمت میں اضافے کا نوٹیفکیشن بھی جاری کر دیا ہے۔
