جنوبی افریقہ کے مشہور و معروف گلوکار کوسٹا ٹیچ کی کنسرت کے دوران پراسرار موت ہوئی جس کی چونکا دینے والی ویڈیو سوشل میڈیا پر وائرل ہوگئی ہے۔

سوشل میڈیا پر وائرل ہونے والی اس ویڈیو میں دیکھا جاسکتا ہے کہ گلوکار کوسٹا ٹیچ اسٹیچ پر گانا گاتے ہوئے پہلے زمین پر گرے اور پھر جان کی بازی ہار گئے۔

اُن کی عمر 28 سال تھی، طبی حکام نے اس کی موت کی وجہ تاحال واضح نہیں کی۔

گلوکار کے بھائی نے اتوار کو اُن کی موت کی خبر کی تصدیق کردی اور مرحوم کے ’’انسٹا گرام‘‘ اکاؤنٹ پر ایک پیغام پوسٹ کیا جس میں لکھا کہ گہرے دکھ کے ساتھ ہم خود کو سنگر کوسٹا ٹیچ کی موت کا اعلان کرنے پر مجبور محسوس کر رہے ہیں۔

انہوں نے اس ہنگامی حالت میں اور آخری گھنٹوں میں ’’کوسٹا ٹیچ‘‘ کے قریب موجود تمام افراد کا شکریہ بھی ادا کیا۔