بالی وڈ کے اسٹار رنویر سنگھ نے زندگی کی 38 بہاریں دیکھ لیں اور اس موقع ان کی کچھ ایسی نایاب تصاویر اور ویڈیوسامنے آئی ہیں جنہیں مداحوں نے آج تک نہ دیکھا ہوگا۔
بھارتی فلم نگری کے اسٹار رنویر سنگھ کی پیدائش 6 جولائی 1985 کو فلم سٹی ممبئی میں ہوئی۔
انہوں نے اپنے فلمی کیریئر کا آغاز یش راج کے بینر تلے بننے والی فلم بینڈ باجا بارات سے کیا جس میں ان کے مدمقابل انوشکا شرما جلوہ گرہوئیں۔ اس کے بعد رنویر نے بالی وڈ کو ایک کے بعد ایک اچھی فلمیں دیں جن میں باجی راؤ مستانی اور بے فکرے جیسی فلموں نے فلمی شائقین کا دل جیتا۔
رنویر سنگھ کا شمار بھارت کے صف اول کے اداکاروں میں ہوتا ہے اور اداکار انڈسٹری میں اپنے چٹکلوں اور مزاحیہ حرکتوں سے بھی جانے جاتے ہیں۔
