لاہور قلندرز اور کراچی کنگز کی جانب سے فخرزمان اور محمد عامر کو ریلیز کیے جانے پر سوشل میڈیا پر نئی بحث کا آغاز ہوگیا۔
پاکستان سپر لیگ ( پی ایس ایل) کے نویں ایڈیشن کے لیے گزشتہ روز تمام فرنچائزز نے ری ٹین کھلاڑیوں کے ناموں کا اعلان کیا۔ لاہور قلندرز کی جانب سے فخرزمان کو ریلیز کرنے پر شائقین کرکٹ حیرت زدہ رہ گئے اور انہوں نے فیصلے پر تنقید کرنا شروع کردی۔
لاہور قلندرز نے پی ایس ایل کے نویں ایڈیشن کے لیے شاہین شاہ آفریدی، حارث رؤف ، ڈیوڈ ویسا، سکندر رضا، عبداللہ شفیق، زمان خان، مرزا طاہر بیگ اور راشد خان کو ری ٹین کیا ہے۔ قلندرز نے فخرزمان کو ریلیز کر دیا ہے۔
🔥Mission Retentions🔥
Unveiling 👑 Lahore Qalandars Powerhouse💪🏻 | Get ready for a thrilling season ahead🚀💥#HBLPSLDraft #HBLPSL9 #qalandarbrothers #Mainhoonqalandar #Dilse pic.twitter.com/ZD5JnOmxom
— Lahore Qalandars (@lahoreqalandars) December 7, 2023
خیال رہے کہ پی ایس ایل قوانین کے مطابق فرنچائزز زیادہ سے زیادہ 8 کھلاڑیوں کو ری ٹین کر سکتی ہیں اور لاہور قلندرز کی طرح کراچی کنگز نے بھی اپنے محمد عامر کو ریلیز کرنے شائقین کو حیران کیا۔
کراچی کنگز نے جیمز ونس، حسن علی، شان مسعود ، شعیب ملک ، تبریز شمسی، میر حمزہ ، محمد اخلاق اور محمد عرفان خان کو ری ٹین کیا۔
اس کے علاوہ کراچی کنگز اور ملتان سلطانز کے درمیان کھلاڑیوں کا تبادلہ بھی ہوا۔ شان مسعود ملتان سلطانز سے کراچی کنگز کی ٹیم میں شامل ہوئے اور ان کی جگہ فیصل اکرم ملتان سلطانز کا حصہ بنے ہیں جب کہ ممکنہ طور پر شان مسعود کو کراچی کنگز کا کپتان بنایا جائے گا کیوں کہ کراچی کنگز کے سابق کپتان عماد وسیم کا تبادلہ اسلام آباد یونائیٹڈ کے حسن علی سے کیا گیا ہے۔
𝙇𝙤𝙘𝙠𝙚𝙙 & 𝙇𝙤𝙖𝙙𝙚𝙙 🔒✊
Presenting you the retained #KingsSquad for #HBLPSL9 💙❤️#YehHaiKarachi | #KarachiKings | #HBLPSLDraft pic.twitter.com/TfeDOLpAog
— Karachi Kings (@KarachiKingsARY) December 7, 2023
دوسری جانب ذرائع کا بتانا ہے کہ لاہور قلندرز فخرزمان کو اپنی ٹیم کا لازمی حصہ بنائے گی اور اس کے لیے وہ رائٹ ٹو میچ کارڈ کا استعمال کرے گی جس کے تحت اگر لاہور قلندرز سے پہلے کسی اور نے فخرزمان کو منتخب کرلیا تو وہ یہ کارڈ استعمال کرتے ہوئے فخرزمان کو حاصل کرلے گی اور جس ٹیم نے فخرزمان کی بولی لگائی ہوگی، اس کے لیے کسی اور کھلاڑی کو منتخب کرنے کا آپشن مل جائے گا۔
