نیوزی لینڈ نے پاکستان کے خلاف پانچویں ٹی ٹوئنٹی میچ میں ڈیرل مچل کو آرام دینے کا فیصلہ کرلیا۔
تفصیلات کے مطابق پاکستان کے خلاف پانچویں ٹی ٹوئنٹی میچ میں ڈیرل مچل کی جگہ رچن رویندرا کو اسکواڈ میں شامل کرلیا گیا ہے۔
ترجمان نیوزی لینڈ کرکٹ بورڈ کا کہنا ہے کہ ڈیرل مچل کو ورک لوڈ مینجمنٹ کے تحت آرام دیا گیا ہے۔
نیوزی لینڈ کے کوچ گیری اسٹیڈ کا کہنا ہے کہ ہم نے ڈیرل مچل کو آرام دینے کا فیصلہ اس لیے کیا ہے کیونکہ ہمارے پاس ابھی آگے اہم ٹیسٹ میچز ہیں۔
انہوں نے کہا کہ ڈیرل تینوں فارمیٹ کے اہم کھلاڑی ہیں اس لیے ضروری ہے کہ ہم ان کے کام کے بوجھ کو کم کریں اور ایسا کرنے کے لیے یہ بہترین وقت ہے چونکہ ہم سیریز بھی جیتے ہوئے ہیں۔
Daryl Mitchell will miss the final match of the KFC T20I Series against Pakistan as part of ongoing workload management and will be replaced in the squad by Rachin Ravindra. #NZvPAK https://t.co/afbysrzVPt
— BLACKCAPS (@BLACKCAPS) January 20, 2024
دوسری جانب پانچ ٹی ٹوئنٹی میچز کی سیریز کے ابتدائی چاروں میچز ہارنے والی پاکستان ٹیم میں بھی تبدیلی کاامکان ہے۔
دونوں ٹیموں کے مابین پانچواں اور آخری ٹی ٹوئنٹی میچ کل 21 جنوری بروز اتوار کو کرائسٹ چرچ میں کھیلا جائے گا۔
میچ پاکستانی وقت کے مظابق اتوار کی صبح پانچ بجے شروع ہوگا۔
