اسکاچ ٹیپ کا استعمال دنیا بھر میں چھوٹے موٹے کاموں کیلئے کیا جاتا ہے لیکن اکثر اس کے سرے کو تلاش کرنا مشکل ہو جاتا ہے۔
آج ہم آپ کو ایسے آسان طریقے بتائیں گے جن کی مدد سے آپ بغیر کسی پریشانی کے آسانی سے اسکاچ ٹیپ کے سرے کو تلاش کر سکیں گے۔
آنکھوں سے معائنہ کریں
اگر ٹیپ کے سرے کو تلاش کر رہے ہیں تو ٹیپ رول کو ہاتھوں میں پکڑ کر اسے غور سے دیکھیں اور انگلی درمیان میں رکھ کر آہستگی سے رول کو گھمائیں اور سرے کی سختی یا موٹائی کو محسوس کرنے کی کوشش کریں۔
اسی طرح تیز روشنی میں ٹیپ رول کو آہستگی سے گھما کر دیکھنے سے بھی سرے کو تلاش کرنے میں مدد مل سکتی ہے۔
ٹوتھ پک سے مدد لیں
ٹیپ کاٹنے کے بعد ٹوتھ پک کو سرے کے نیچے چپکا دیں، اگلی بار جب ٹیپ استعمال کرنا ہو تو اس ٹوتھ پک سے علم ہو جائے گا کہ اس کا سرا کہاں موجود ہے۔
پیپر کلپ مددگار ثابت
اپنے کام کے لیے ٹیپ کاٹ کر پیپر کلپ کو لیں اور اسے سرے کے نیچے چپکا دیں۔ اس طرح اگلی بار سرے کو تلاش کرنا بہت آسان ہو جائے گا۔
ٹیپ کے سرے کو فولڈ کرلیں
ٹیپ کو کاٹ کر اس کے سرے کو فولڈ کر دیں تاکہ سطح سے چپکنے کی بجائے اوپر کی جانب اٹھ جائے۔
آٹے سے سرے کی تلاش
انگلی کو خشک آٹے میں ڈبو دیں جس سے کچھ مقدار میں ذرات انگلی میں لگ جائیں گے۔ اس کے بعد انگلی کو ٹیپ رول پر گھمائیں ایسا کرنے سے ٹیپ میں سرے کو تلاش کرنا آسان ہو جائے گا۔
