وزیر اعلیٰ پنجاب چودھری پرویز الٰہی نے کہا ہے کہ شریفوں کے سارے منصوبے دھرے کے دھرے رہ گئے ہیں۔
تفصیلات کے مطابق سماجی رابطے کی ویب سائٹ ٹوئٹر پر وزیر اعلیٰ پنجاب چودھری پرویز الٰہی نے اپنے ایک بیان میں کہا کہ شریفوں کے سارے منصوبے دھرے کے دھرے رہ گئے ہیں اور اب ان کو اپنی جان کے بھی لالے پڑ گئے ہیں۔
انہوں نے کہا کہ عمران خان کے سامنے ان کی سیاست زیرو ہوچکی ہے۔
ان کا کہنا تھا کہ شہبازشریف نیند کی 15 گولیاں بھی کھا لے پھر بھی اب اسے نیند نہیں آئے گی۔
شریفوں کے سارے منصوبے دھرے کے دھرے رہ گئے،اب ان کو اپنی جان کے لالے پڑ گئے ہیں۔ عمران خان کے سامنے ان کی سیاست زیرو ہوچکی ہے۔ شہبازشریف نیند کی 15گولیاں بھی کھا لے،اب اسے نیند نہیں آئے گی۔ہم نے تو اعتماد کا ووٹ لے لیاہے، اب ان کی باری ہے۔
— Ch Parvez Elahi (@ChParvezElahi) January 16, 2023
ان کا یہ بھی کہنا تھا کہ ہم نے تو اعتماد کا ووٹ لے لیاہے، اب ان کی باری ہے۔
یہ بھی پڑھیں؛ پی ٹی آئی اگلے الیکشن میں کلین سویپ کرے گی، پرویز الٰہی
پرویز الٰہی نے کہا کہ شریفوں کی زبانیں باہر نکلی ہوئی ہیں، انہیں سمجھ نہیں آرہی کہ کرنا کیا ہے۔
انہوں نے کہا کہ شہبازشریف ادھر ادھر بھاگ رہا ہے جبکہ نوازشریف نے کہہ دیا ہے کہ میں واپس نہیں آؤں گا۔
شہبازشریف صرف مانگنے کے قابل رہ گیا ہے۔جب مانگنے جاتا ہے تو لوگ کہتے ہیں کہ پتہ کریں اس کے پاس واپسی کا ٹکٹ ہے یا نہیں۔ن لیگ والے اب کس منہ سے عوام کے پاس جائیں گے۔ عوام نے ان سے 30برس کا حساب لیناہے۔
— Ch Parvez Elahi (@ChParvezElahi) January 16, 2023
ان کا کہنا تھا کہ اب ن لیگ اور زیادہ نیچے چلی گئی ہے، شہبازشریف کام کرنے والا نہیں نکلا بلکہ یہ لیٹ گیا ہے اور صرف مانگنے کے قابل رہ گیا ہے۔
یہ بھی پڑھیں؛ شاہدرہ ملٹی لیول فلائی اوور کی تعمیر کا سنگ بنیاد رکھ دیا ہے، پرویز الٰہی
ان کا یہ بھی کہنا تھا کہ شہباز شریف جب بھی مانگنے جاتا ہے تو لوگ کہتے ہیں کہ پتہ کریں کہ اس کے پاس واپسی کا ٹکٹ بھی ہے یا نہیں۔
وزیر اعلیٰ پنجاب چودھری پرویز الٰہی نے مزید کہا کہ ن لیگ والے اب کس منہ سے عوام کے پاس جائیں گے کیونکہ عوام نے ان سے 30 برس کا حساب لینا ہے۔
