حکومت نے ملک بھر میں قائم 11 احتساب عدالتوں کو دیگر عدالتوں میں تبدیل کر دیا ہے۔
تفصیلات کے مطابق وزارت قانون و انصاف نے عدالتوں کی تبدیلی کا نوٹیفیکیشن جاری کر دیا ہے اور تبدیل ہونے والی احتساب عدالتوں میں اسلام آباد کی 3 احتساب عدالتیں بھی شامل ہیں۔
جاری کردہ نوٹیفیکیشن کے مطابق احتساب عدالت اسلام آباد نمبر 4 بینکنگ کورٹ نمبر 2 میں تبدیل کردی گئی ہے۔
احتساب عدالت اسلام اباد نمبر 5 اسپیشل کورٹ سینٹرل نمبر 2 میں تبدیل کردی گئی ہے جبکہ احتساب عدالت اسلام آباد نمبر 6 دانشورانہ املاک ٹربیونل راولپنڈی میں تبدیل کردی گئی ہے۔
