پاکستان کرکٹ ٹیم کے فاسٹ باؤلر حارث رؤف کی شادی کی تقریبات کا آغاز ہو گیا ہے۔

تفصیلات کے مطابقحارث رؤف کے لیے منگل کی شب خصوصی قوالی نائٹ پروگرام کا انعقاد کیا گیا جس میں ان کے دوستوں اور رشتہ داروں نے شرکت کی۔

سوشل میڈیا پر حارث کی ایک ویڈیو بھی گردش کر رہی ہے جس میں وہ سریلی قوالی سے لطف اندوز ہوتے نظر آ رہے ہیں۔

حارث رؤف اور مزنا مسعود ملک کی شادی کی تقریب رواں ہفتے جمعہ کو ہوگی۔

کیمپ کے بعد قومی کرکٹرز ساتھی کرکٹر کی شادی میں شرکت کے لیے اسلام آباد بھی جائیں گے۔

واضح رہے کہ حارث رؤف کا نکاح گزشتہ سال دسمبر میں اپنی ہم جماعت مزنہ مسعود ملک سے ہوا تھا۔