بھاری ویمنز کرکٹ ٹیم کی کپتان ہرمین پریت کو امپائروں سے بدتمیزی کی سزا مل گئی ہے۔

اتوار کو بھارت اور بنگلا دیش کی ویمنز ٹیموں کے درمیان کھیلی گئی تین ون ڈے میچز کی سیریز میں برا رویہ رکھنے پر بھارتی ویمنز کرکٹ ٹیم کی کپتان ہرمن پریت کور کو تنقید کا نشانہ بنایا جارہا ہے۔

میچ کے دوران ناہید اختر کی گیند پر آؤٹ ہونے کے بعد انہوں نے غصے میں وکٹوں کو بیٹ سے مارا اور پھر امپائر کے خلاف تضحیک آمیز زبان الفاظ استعمال کی تھی۔

میچ کے بعد جب بھارت اور بنگلادیش کے درمیان ٹرافی شیئر کی گئی تو انہوں نے طنزیہ انداز میں منتظمین سے امپائروں کو بھی ٹرافی اٹھانے کے لیے بلانے کا کہا۔

بھارتی کپتان کے رویے سے بنگلادیشی ویمنز ٹیم کی کپتان نگار سلطانہ بھی ناراض ہوگئی اور اپنی ٹیم کو ڈریسنگ روم لے گئیں۔

میڈٰیا رپورٹس کے مطابق بھارتی ویمنز ٹیم کی کپتان کو امپائروں کے ساتھ برا برتاؤ کرنے کی وجہ سے بھاری جرمانہ ادا کرنا پڑسکتا ہے اور ان پر میچ فیس کا 75 فیصد جرمانہ ہوسکتا ہے۔

دوسری جانب بھارتی ویمنز ٹیم کی سابق کپتان ڈیانہ ایڈلجی کا کہنا ہے کہ ’وہ کئی عرصے سے کرکٹ دیکھ رہی ہیں اور انہوں نے کبھی کسی کا ایسا رویہ نہیں دیکھا‘۔

ڈیانہ ایڈلجی کہتی ہیں کہ ’ہرمن پریت نے ایسا کر کہ اپنے ساتھی کھلاڑیوں کے لیے بری مثال قائم کی ہے، ایسے رویے ٹیم کے کلچر پر اثرانداز ہوسکتے ہیں جب کہ جونیئر اپنے بڑوں سے متاثر ہوتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں