سابق قومی کرکٹر شاہد آفریدی نے پی سی بی مینجمنٹ کمیٹی کے چیئرمین ذکاء اشرف کو کڑی تنقید کا نشانہ بنایا ہے۔

حال ہی میں مقامی نیوزی چینل پر گفتگو کرتے ہوئے سابق کپتان شاہد آفریدی نے پی سی بی مینجمنٹ کمیٹی کے چیئرمین ذکاء اشرف کو تنقید کا نشانہ بناتے ہوئے اپنے کام سے کام رکھنے کا مشورہ دے دیا۔

انہوں نے کہا ’’ذکاء اشرف صاحب آپ کسی کلب کے چیئرمین نہیں ہیں بلکہ آپ پاکستان کرکٹ بورڈ کے چیئرمین ہیں، انہیں بہت ساری چیزوں کو دیکھنا چاہیے۔ میں حیران ہوں کہ وہ میڈیا ہاؤسز کے مالکان کو فون کرکے کہہ رہے ہیں کہ کون ان کے بارے میں کیا بات کررہا ہے‘‘۔

Media houses kay owners ko phone? 😱

Shahid Afridi hits back at Zaka Ashraf who most probably exerted pressure on him via Aleem Khan owner of SAMAA TV. pic.twitter.com/G0AkSblWuW

— Syed Ali Imran (@syedaliimran) October 31, 2023

ان کا کہنا تھا ’’خدا کے لیے آپ چیئرمین ہیں بس نتائج دیں اور اپنا کام کریں، لوگ آپ کے بارے میں صرف اس لیے بات کر رہے ہیں کہ آپ انہیں یہ موقع دے رہے ہیں، ذکاء اشرف صاحب آپ اپنا کام کریں‘‘۔

سابق کپتان نے کہا ’’ٹیم ورلڈ کپ کھیل رہی ہے اور آپ ایک کے بعد ایک بیانات دے رہے ہیں، کبھی آپ بابر کے بارے میں کچھ کہہ رہے ہیں تو کبھی کسی دوسرے کے بارے میں‘‘۔

انہوں نے مزید کہا ’’ذکاء اشرف صاحب خدا کے لیے پہلے اپنی کرسی کو مضبوط کریں اور غیر ضروری بیانات دینے کے بجائے اپنی ذمہ داریوں پر توجہ دیں‘‘۔

واضح رہے کہ اس سے قبل شاہد آفریدی نے کپتان بابر اعظم کی ذاتی واٹس اپ چیٹ لیک کرنے کی مذمت کرتے ہوئے اس عمل کو اخلاقیات کی خلاف ورزی قرار دیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں