برمنگھم: انگلینڈ نے پاکستان کے خلاف ایجبسٹن میں کھیلا گیا تیسرا ٹیسٹ 8 وکٹوں سے جیت کر تین میچز کی سیریز 0-3 سے اپنے نام کرلی جب کہ پاکستان ٹیم انگلینڈ میں پہلی بار ٹیسٹ سیریز میں وائٹ واش کا شکار ہوگئی۔

پاکستان اور انگلینڈ کی ٹیموں کے درمیان ٹیسٹ سیریز کا تیسرا اور آخری ٹیسٹ میچ برمنگھم میں کھیلا گیا جس میں بھی قومی ٹیم کو عبرتناک شکست کا سامنا کرنا پڑا۔

England win the third Test by eight wickets.#ENGvPAK | #PakistanCricket pic.twitter.com/D4ZVBwNXdb

— Pakistan Cricket (@TheRealPCB) September 12, 2026

قومی ٹیم پہلی اننگز میں 133 رنز پر ڈھیر ہوگئی تھی جس کے جواب میں انگلینڈ نے پہلی اننگز میں 453 رنز کا پہاڑ کھڑا کردیا۔

بعد ازاں دوسری اننگز میں پاکستانی بلے باز کچھ بہتر کارکردگی دکھانے میں کامیاب رہے اور 449 رنز بناکر میزبان ٹیم کو جیت کے لیے 130 رنز کا ہدف دیا۔

دوسری اننگز میں پاکستان کی جانب سے ڈیبیو کرنے والے فاسٹ بولر رضا اللہ نے 81 رنز کی جارحانہ اننگز کھیل کر سب کی توجہ اپنی جانب مبذول کروائی جب کہ شان مسعود 95، کپتان بابر اعظم 76 اور اذان اویس نے 59 رنز کی اننگز کھیلی۔

➡️ Equal with Corbin Bosch for highest score by a Test debutant at No. 9
➡️ Equal with Tim Southee for most sixes by a Test debutant
➡️ Equal with Ben Stokes for most sixes in an innings in England

A memorable debut for Razaullah ⚡👏#ENGvPAK | #PakistanCricket pic.twitter.com/ukMr2aBGWH

— Pakistan Cricket (@TheRealPCB) September 11, 2026

تاہم یہ کارکردگی بھی قومی ٹیم کو شکست سے نہ بچاسکی اور انگلینڈ نے ہدف کو باآسانی دو وکٹوں کے نقصان پر حاصل کرلیا۔

انگلینڈ کی جانب سے جو روٹ اور جورڈن کوکس نے نصف سنچریاں اسکور کیں، جو روٹ نے 62 جب کہ جورڈن کوکس نے 59 رنز کی اننگز کھیلی اور اپنی ٹیم کو کامیابی دلانے میں اہم کردار ادا کیا۔ پاکستان کے محمد عباس نے دو وکٹیں حاصل کیں۔

واضح رہے کہ اس شکست کے ساتھ ہی بابر اعظم انگلینڈ میں ٹیسٹ سیریز میں وائٹ واش ہونے والے پاکستان کے پہلے ٹیسٹ کپتان بن گئے ہیں۔