آئی سی سی رینکنگ میں بلے بازوں کی فہرست میں بابر اعظم کی حکمرانی برقرار ہے۔
تفصیلات کے مطابق انٹرنیشنل کرکٹ کونسل (آئی سی سی) نے پلیئرز کی نئی ون ڈے رینکنگ جاری کردی۔
ون ڈے بیٹرز میں پاکستان کے کپتان بابر اعظم کا پہلا نمبر برقرار ہے جبکہ بھارت کے شبمان گل کی رینکنگ میں دوسری اور جنوبی افریقہ کے ریسی وین ڈر ڈسن کی تیسری پوزیشن ہے۔
آسٹریلیا کے ڈیوڈ وارنر ایک درجے ترقی کے بعد چوتھے نمبر پر آگئے اور پاکستان کے امام الحق ایک درجے تنزلی کے بعد پانچویں نمبر پر چلے گئے۔
آئرلینڈ کے ہیری ٹیکٹر کی چھٹی پوزیشن برقرار ہے جبکہ جنوبی افریقہ کے کوئنٹن ڈی کوک ایک درجے ترقی کے بعد ساتویں نمبر پر آگئے۔
بھارت کے ویرات کوہلی ایک درجے تنزلی سے آٹھویں پوزیشن پر چلے گئے اور بھارتی کپتان روہت شرما ایک درجے ترقی کے بعد نویں نمبر پر آگئے۔
پاکستان کے فخر زمان ایک درجے تنزلی کے بعد 10 ویں نمبر پر چلے گئے۔
Race for the top spot heats up 🔥
India’s top performers make significant gains in the latest @MRFWorldwide ICC Men’s ODI Batting Rankings.#ICCRankings | Details 👇https://t.co/AmRI1lbFBG
— ICC (@ICC) September 13, 2023
بولرز کی فہرست میں آسٹریلیا کے جوش ہیزل ووڈ اور مچل اسٹارک کی بالترتیب دوسری پوزیشن برقرار ہے جبکہ ایڈم زیمپا ایک درجے تنزلی سے چوتھی پوزیشن پر چلے گئے۔
نیوزی لینڈ کے ٹرینٹ بولٹ مچل اسٹارک کے ساتھ مشترکہ طور پر دوسری پوزیشن پر موجود ہیں جبکہ میٹ ہینری کی پانچویں پوزیشن ہے۔
اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
