پوپ فرانسس کے کانگو کے دورے پر ان کے استقبال کے لیے 10 لاکھ لوگ ایئرپورٹ پر جمع ہو گئے۔

غیر ملکی میڈیا کی خبروں کے مطابق ایک اندازے کے مطابق 10 لاکھ کانگو کے باشندے پوپ فرانسس کے افریقہ کے اپنے تازہ ترین سفر کے لیے کنشاسا کے این ڈولو ہوائی اڈے پر پہنچے۔

پوپ فرانسس کے ملک کے دورے کے دوسرے دن بدھ کو ڈیموکریٹک ریپبلک آف کانگو میں پوپ کے اجتماع میں شرکت کے لیے گانے اور رقص کرنے والے عبادت گزاروں کا لاکھوں کا مجمع ایئرپورٹ پر جمع تھا۔

کانگو کے دارالحکومت کنشاسا کے ایئرپورٹ پر پوپ فرانسس کے استقبال کے لیے لوگ ایک دن قبل ہی جمع ہونا شروع ہو گئے تھے۔

غیر ملکی خبر رساں ادارے کی خبر کے مطابق تقریباً 15 ملین لوگوں کی آبادی والے کنشاسا میں سڑکیں اور میدان پوپ پوپ فرانسس کے استقبال کے لیے آنے والے لوگوں سے بھری پڑی تھیں۔

جیسے ہی ہجوم تیز دھوپ اور سخت سیکیورٹی میں ہوائی اڈے کی حدود میں داخل ہوا، 700 کوئر گلوکاروں نے تہوار کے ماحول میں ریہرسل کی، جبکہ لاکھوں لوگوں نے رقص کیا اور جھنڈے لہرائے۔

یاد رہے کہ 86 سالہپوپ فرانسس افریقہ کے چھ روزہ دورے کے پہلے مرحلے پر ڈی آر سی پہنچے تھے جس میں جنوبی سوڈان بھی شامل ہوگا۔

پوپ فرانسسکے گزرتے ہی پوپ موبائل کی ایک جھلک دیکھنے کے لیے بہت بڑا ہجوم بھی سڑکوں پر جمع ہو گیا۔

واضح رہے کہ کانگو افریقہ کا سب سے زیادہ کیتھولک ملک جو بیلجیئم کی سابق کالونی بھی ہے، کانگو کا حجم براعظم مغربی یورپ کے برابر ہے۔

ویٹی کن کے مطابق ڈی آر سی میںپوپ فرانسس کے پیروکار ملک کی مجموعی آبادی کا 49 فی صد ہیں۔

کنشاسا کے صدارتی محل میں سیاست دانوں اور معززین سے خطاب کے دوران،پوپ فرانسس نے معاشی نوآبادیات کی مذمت کی جس نے ڈی آر سی کو ناقابل تلافی نقصان پہنچایا۔

کانگو قیمتی معدنی ذخائر کے باوجود دنیا کے غریب ترین ممالک میں سے ایک ہے جس کے دو تہائی لوگ یومیہ 2 ڈالر سے بھی پر گزارہ کرتے ہیں۔