اگلے 48 گھنٹوں میں چناب میں انتہائی اونچے درجے کے سیلاب کا خطرہ ہے۔

تفصیلات کے مطابق اگلے دوروزمیں بھارت کی جانب سے چناب میں پانی چھوڑنے کا خدشہ ہے جس کے باعث چناب میں انتہائی اونچے یا اونچے درجے کا سیلاب آسکتا ہے۔

 اس حوالے سے فلڈ وارننگ سینٹر نے الرٹ جاری کر دیا ہے۔

بھارت سے بڑا سیلابی ریلا مقبوضہ جموں سے مرالہ بیراج پہنچے گا، سیالکوٹ سے جھنگ تک ضلعی انتظامیہ کو الرٹ کردیا گیا ہے۔

چناب اور راوی کے معاون نالوں میں بھی اتوار اور پیر کو طغیانی کا خدشہ ہے۔

 ڈیرہ غازیخان ڈویژن، شمالی بلوچستان کے پہاڑی نالوں میں بھی سیلاب کی وارننگ جاری کر دی ہے۔

فلڈ وارننگ سنٹر کے مطابق کوہاٹ، بنوں اور ڈیرہ اسماعیل خان کے چھوٹے دریا بپھرسکتے ہیں۔