امریکی ریاست ہوائی کے جنگلات میں لگنے والی آگ نے ملک کا سو سالہ ریکارڈ توڑ دیا ہے۔

غیر ملکی خبر رساں ادارے کے مطابق امریکی ریاست ہوائی کے جنگلات میں لگنے والی آگ سے ہلاک ہونے والوں کی تعداد 93 تک پہنچ گئی ہے جس کے بعد امریکہ میں 100 سال سے زائد عرصے میں یہ سب سے زیادہ مہلک جنگل کی آگ ہے۔

امریکی جزیرے پر لگنے والی خوفناک آگ کی وجہ سے 12 ہزار سے زائد افراد کی آبادی والا ریزورٹ قصبہ لاہینا کھنڈرات میں تبدیل ہو گیا.

حکام کا کہنا ہے کہ ہلاکتوں کی تعداد میں مزید اضافہ ہوسکتا ہے کیونکہ سرچ ٹیمیں موئی جزیرے پر واقع لہینہ قصبے کے کھنڈرات کی چھان بین جاری رکھے ہوئے ہیں۔

امریکی حکام کے مطابق 12 ہزار سے زائد آبادی والا ریزورٹ ٹاؤن کھنڈرات میں تبدیل ہو گیا ہے، اس علاقے کے جاندار ہوٹل اور ریستوراں راکھ میں تبدیل ہو گئے ہیں۔

ہفتے کے روز ایک نیوز کانفرنس میں گورنر جوش گرین نے کہا کہ موئی کے جنگلات میں لگی آگ سے مرنے والوں کی تعداد 89 تک پہنچ گئی ہے اور یہ 100 سال سے زیادہ عرصے میں امریکہ کی سب سے مہلک جنگل کی آگ ہے۔

ماؤ کاؤنٹی نے بعد میں تصدیق شدہ ہلاکتوں کی تعداد بڑھا کر 93 کر دی۔

گورنر جوش گرین نے نامہ نگاروں کو بتایا کہ ہم مشکل حالات کے لیے لوگوں کا تیار کرنا چاہتے ہیں۔

گورنر جوش گرین نے تاریخی فرنٹ اسٹریٹ پر تباہی کا دورہ کرتے ہوئے کہا، یہ یقینی طور پر ہوائی کی بدترین قدرتی آفت ہوگی جس کا سامنا کرنا پڑا۔

تازہ ترین اعداد و شمار 2018 میں کیلیفورنیا کے شہر پیراڈائز میں لگنے والی آگ میں ہلاک ہونے والے 85 افراد سے زیادہ ہیں اور یہ 1918 کے بعد جنگل کی آگ سے ہونے والی ہلاکتوں کی سب سے بڑی تعداد ہے جب مینیسوٹا اور وسکونسن میں کلوکیٹ میں آگ لگنے سے 453 افراد ہلاک ہوئے تھے۔

موئی پولیس کے سربراہ جان پیلیٹئر نے کہا کہ ڈیزاسٹر زون کے صرف ایک حصے کی تلاشی لی گئی ہے اور صرف دو متاثرین کی شناخت کی جا سکی ہے کیونکہ وہ بری طرح جھلس گئے تھے۔

جان پیلیٹئر نے مزید کہا کہ لاشوں کا پتہ لگانے کے لئے تربیت یافتہ کتوں نے تلاش کے علاقے کے صرف 3 فیصد حصے کا احاطہ کیا تھا۔

جان پیلیٹئر کا کہنا تھا کہ ہمیں جو باقیات مل رہی ہیں وہ اس آگ کی ہیں جس سے دھات پگھل گئی تھی، ہمیں ان میں سے ہر ایک کی شناخت کرنے کے لیے تیزی سے ڈی این اے کرنا ہو گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں