غزہ میں گزشتہ دو ہفتوں سے بنیادی ضروریات کے پریشان شہریوں کے لیے امداد کا تیسرا قافلہ مصر کی سرحد سے غزہ میں داخل ہو گیا ہے۔

عرب میڈیا کے مطابق مصر اور فلسطین کی انتظامیہ نے غیر ملکی خبر رساں ادارے کو بتایا کہ امدادی قافلہ آج مصر کی رفح سرحدی گزرگاہ کے ذریعے محصور غزہ کی پٹی میں داخل ہوا۔

فلسطینی انتظامیہ کا کہنا ہے کہ امدادی سامان کا تیسرا قافلہ ہے جو سات اکتوبر کو شروع ہونے والی جنگ کے بعد غزہ پہنچا ہے۔

مصری ریڈ کراس کے ایک عہدیدار کے مطابق ایک درجن سے زائد ٹرکوں نے رفح کو عبور کیا، اس سے قبل ہفتے اور اتوار کو غزہ میں 34 ٹرک داخل ہوئے تھے۔

اقوام متحدہ کا کہنا ہے کہ غزہ کے 2.4 ملین باشندوں کی بنیادی ضروریات کو پورا کرنے کے لئے روزانہ کم از کم 100 ٹرکوں کی ضرورت ہے کیونکہ حماس کے حملے کے بعد بڑے پیمانے پر اسرائیلی بمباری جاری ہے اور ہزاروں افراد پہلے ہی ہلاک ہو چکے ہیں۔

امدادی کارکنوں کا کہنا ہے کہ غزہ میں بڑھتے ہوئے انسانی بحران سے نمٹنے کے لیے مزید امداد کی ضرورت ہے، جہاں سے 2.3 ملین افراد اپنے گھر بار چھوڑ چکے ہیں۔

اقوام متحدہ کے انسانی حقوق کے ادارے کا کہنا ہے کہ ہفتے کے روز امدادی قافلے کی پہلی ترسیل جنگ سے قبل ایک دن کی اوسط درآمدات کا تقریبا چار فیصد ہے۔ جبکہ 13 دن کے مکمل محاصرے کے درمیان یہ ایک معمولی حصہ لے۔

دوسری جانب اسرائیلی فوج کا کہنا ہے کہ انسانی ہمدردی کی صورتحال قابو میں ہے جبکہ اقوام متحدہ نے روزانہ 100 ٹرکوں کو داخلے کی دعوت دی ہے۔

اسرائیل نے لوگوں سے شمالی غزہ چھوڑنے کے اپنے مطالبے کو دہرایا، جس میں ہوا سے پمفلٹ گرانا بھی شامل ہے۔

ایک اندازے کے مطابق سات لاکھ افراد پہلے ہی نقل مکانی کر چکے ہیں۔ لیکن لاکھوں باقی رہ گئے ہیں اور اسرائیل کے ممکنہ زمینی حملے میں بڑے پیمانے پر شہری ہلاکتوں کا خطرہ بڑھ جائے گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں