مرتضیٰ سولنگی نے کہا ہے کہآئین کے تحت منصفانہ الیکشن کے انعقاد کیلئے ای سی پی کے ساتھ کھڑے ہیں۔
تفصیلات کے مطابق نگراں وفاقی وزیر اطلاعات، نشریات و پارلیمانی امور مرتضیٰ سولنگی نے سماجی رابطے کی ویب سائٹ ٹویٹر پر اپنے ایک پیغام میں کہا کہ الیکشن کمیشن آف پاکستان کی مالی ضرورت پوری کرنے کے لئے کوئی بحران نہیں۔
There is no crisis on meeting the financial needs of the ECP.
The cabinet had approved Rs 42 billion for the budgetary needs of the ECP. An amount of Rs 10 billion was already released.
The ECP has approached to release Rs 17.4 billion out of the budgeted amount.Whatever…
— Murtaza Solangi (@murtazasolangi) December 4, 2023
انہوں نے کہا کہ وفاقی کابینہ نے الیکشن کمیشن آف پاکستان کی بجٹ ضروریات کے لئے 42 ارب روپے کی منظوری دی تھی،10 ارب روپے کی رقم پہلے ہی جاری کی جا چکی ہے۔
مرتضیٰ سولنگی نے یہ بھی کہا کہ الیکشن کمیشن نے منظور شدہ بجٹ کی رقم میں سے 17.4 ارب روپے جاری کرنے کے لئے رابطہ کیا ہے، ای سی پی کو جو بھی بجٹ کی رقم درکار ہوگی، اس کی ضرورت کے مطابق جاری کی جائے گی۔
نگراں وفاقی وزیر اطلاعات مرتضیٰ سولنگی نے مزید کہا کہ ہم آئین کے آرٹیکل 218(3) کے تحت آزادانہ اور منصفانہ انتخابات کے انعقاد کیلئے الیکشن کمیشن آف پاکستان کے ساتھ مضبوطی سے کھڑے ہیں۔
