قطر کی عدالت نے سابق وزیر خزانہ کو 5.6 ارب ڈالر کی منی لانڈرنگ کا مجرم قرار دے دیا۔
خلیجی خبر رساں ادارے کی خبر کے مطابق قطر کی ایک فوجداری عدالت نے خلیجی عرب ریاست کے سابق وزیر خزانہ کو 5.6 ارب ڈالر سے زائد کی منی لانڈرنگ کے جرم میں 20 سال قید کی سزا سنائی ہے۔
عدالت نے شیخ نواف بن جاسم بن جابر الثانی کو سرکاری فنڈز کے غلط استعمال کا مجرم قرار دیتے ہوئے چھ سال قید کی سزا سنائی۔
عدالت نے علی شریف العمادی کو 61 ارب قطری ریال (16.7 ارب ڈالر) سے زائد جرمانہ ادا کرنے کا بھی حکم دیا، جس میں 40.9 ارب ریال یا منی لانڈرنگ کی رقم سے دوگنا جرمانہ اور 21 ارب ریال سے زائد کا اضافی جرمانہ بھی شامل ہے۔
اسی دستاویز سے ظاہر ہوتا ہے کہ ججوں نے شیخ نواف بن جاسم بن جابر الثانی کو عوامی فنڈز کے غلط استعمال کا مجرم قرار دیتے ہوئے چھ سال قید اور 825 ملین ریال جرمانے کی سزا سنائی۔
عمادی اور شیخ نواف، جنہیں 14 دیگر افراد کے ساتھ مقدمے کا سامنا ہے، سزا کے خلاف اپیل کر سکتے ہیں، جو عدالت نے 10 جنوری کو جاری کیا تھا۔
فوری طور پر یہ واضح نہیں ہے کہ آیا دونوں نے مقدمے کی سماعت کے دوران الزامات کے جواب میں درخواستیں دائر کی تھیں یا نہیں۔
عمادی کے وکلاء نے سزا پر تبصرہ کرنے کے لئے درخواستوں کا جواب نہیں دیا اور عمادی نے گرفتاری کے بعد سے عوامی طور پر کوئی تبصرہ نہیں کیا ہے۔
