وفاقی وزیر توانائی سردار اویس احمد نے کہا کہ موجودہ حکومت سرمایہ کار دوست پالیسی کو فروغ دے رہی ہے۔
وفاقی وزیر برائے توانائی سردار اویس احمد خان لغاری کی سعودی سفیر نواف بن سعید المالکی سے ملاقات ہوئی جس میں پیداواری اور ترسیلی نظام میں سرمایہ کاری سے متعلق امور پر تبادلہ خیال کیا گیا۔
اس موقع پر وفاقی وزیر توانائی سردار اویس احمد خان لغاری نے سعودی سفیر کی پاکستان میں سرمایہ کاری کے مواقعوں سے فائدہ اٹھانے کے عزم کا اظہار کیا اور کہا کہ موجودہ حکومت سرمایہ کار دوست پالیسی کو فروغ دے رہی ہے۔
ملاقات میں سعودی سفیر نواف بن سعید المالکی نے کہا کہ سعودی کاروباری افراد کی پاکستان میں سرمایہ کاری کی حوصلہ افزائی کروںگا۔
