بنگلہ دیش میں سمندری طوفان ’ریمل‘ کے خطرے کے پیش نظر 8 لاکھ افراد محفوظ مقامات کی طرف نقل مکانی کر چکے ہیں۔
سمندری طوفان ’ریمل‘ کے خطرے کے پیش نظر بنگلہ دیش کی تین بندرگاہیں اور دوسرے سب سے بڑے شہر چٹاگانگ کا ہوائی اڈہ بند کر دیا گیا ہے۔
قدرتی آفات سے متعلق اعلیٰ سرکاری عہدیداروں کا کہنا ہے کہ نشیبی علاقے سمندری طوفان آج کسی بھی وقت ساحلی علاقوں سے ٹکرائے گا۔
سمندری طوفان ’ریمل‘ آج کسی بھی وقت جنوبی ساحل اور ہمسایہ ملک بھارت کے کچھ حصوں سے ٹکرائے گا، بنگلہ دیش کے محکمہ موسمیات نے 130 کلومیٹر فی گھنٹہ کی رفتار سے ہوائیں چلنے کی پیش گوئی کی ہے۔
حالیہ دہائیوں میں بنگلہ دیش میں سمندری طوفانوں سے لاکھوں افراد ہلاک ہو چکے ہیں، لیکن آب و ہوا کی تبدیلی کے اثرات کی وجہ سے اس کے گنجان آباد ساحل سے ٹکرانے والے سپر طوفانوں کی تعداد میں تیزی سے اضافہ ہوا ہے۔
محکمہ موسمیات کے سینئر عہدیدار محمد ابوالکلام ملک نے خبر رساں ادارے کو بتایا کہ سمندری طوفان ’ریمل‘ کی لہریں عام فلکیاتی لہروں سے 12 فٹ (4 میٹر) تک بلند ہو سکتی ہیں جو خطرناک ہو سکتا ہے۔
حکام نے ماہی گیروں کو سمندر میں جانے سے خبردار کیا ہے اور خطرے والے علاقوں میں رہنے والوں کو انخلا کا حکم دیا ہے۔
