یورپی سیفٹی ایجنسی ایشیاء پیسفک نے کراچی ایئرپورٹ کا دورہ کیا۔
یورپی وفد نے ایریا کنٹرول سینٹر اور کنٹرول ٹاور کا دورہ کیا، وفد کو ڈائریکٹر آپریشن اور ڈائریکٹر ریگولیٹری نے بریفنگ دی۔
وفد کو ایئر اتھارٹی کے مختلف شعبے، ریڈار ایریا اور فضاء میں طیاروں کی رہنمائی کے حوالے سے بھی بریف کیا گیا،
لینڈنگ و ٹیک آف کے ساتھ بحفاظت منزل تک پہنچانے میں ایئر ٹریفک کنٹرولر کے کلیدی کردار کے بارے میں بھی بریفنگ دی گئی۔
یورپی سیفٹی ایجنسی ایشیاء پیسفک کو بریفنگ میں بتایا گیا کہ طیاروں کو ایئر اسپیس میں ایک دوسرے سے محفوظ فاصلوں پر رکھنا بھی اے ٹی سی کے فرائض میں شامل ہے۔
