لاہور: انسداد دہشتگردی عدالت نے سابق وزیر صحت ڈاکٹر یاسمین راشد کے علاج کے لئے دائر درخواست منظور کر لی ہے۔
تفصیلات کے مطابق انسداد دہشت گردی عدالت کی ایڈمن جج عبہر گل خان نے ڈاکٹر یاسمین راشد کے کینسر کے علاج کیلئے دائر درخواست پر سماعت کی۔
عدالت نے ڈاکٹر یاسمین راشد کی علاج کیلئے درخواست منظور کر لی اور کے سروسز اسپتال میں کینسر ٹیسٹ کرانے کا حکم دے دیا۔
انسداد دہشت گردی عدالت نے ریمارکس دیے کہ جیل حکام ڈاکٹر یاسمین راشد کو اسپتال میں کینسر ٹیسٹ کیلئے لے کر جائیں۔
واضح رہے کہ ڈاکٹر یاسمین راشد نے کینسر کے علاج کیلئے درخواست انسداد دہشتگردی عدالت میں دائر کی تھی درخواست میں انہوں نے سروسز اسپتال سے کینسر کے ٹیسٹ کرانے کی اجازت مانگی تھی۔
یاد ہے کہ ڈاکٹر یاسمین راشد نو مئی جلاؤ گھیراؤ کے مقدمات میں جیل میں ہیں۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
