پنجاب حکومت نے تعلیمی ادارے دو دن بند رکھنے کا اعلان کر دیا ہے۔
تفصیلات کے مطابق نگران وزیراعلیٰ پنجاب محسن نقوی نے پنجاب میں اسموگ کی وجہ سے تعلیمی ادارے دو دن بند رکھنے کا اعلان کر دیا ہے۔
نگران وزیراعلیٰ پنجاب نے کہا کہ جمعہ اور ہفتہ کے روز 10 اضلاع میں اسکولز بند رہیں گے، جمعہ اور ہفتے کے روز مارکیٹیں 3 بجے کھلیں گی، اتوار کو ہر طرح کا کاروبار بند رہے گا۔
انہوں نے کہا کہ لاہور، گوجرانوالہ، فیصل آباد، ملتان، ساہیوال اور سرگودھا ڈویژن میں اسکولز بند ہوں گے۔
محسن نقوی نے کہا کہ 10 ہزار طلبہ کو سبسڈی پر الیکٹرک موٹر سائیکل دیں گے، اسموگ کی وجہ سے نگران وزیراعلیٰ پنجاب نے شہریوں سے گزارش کی کہ ماسک پہنیں۔
نگران وزیراعلیٰ پنجاب کا کہنا تھا کہ اتوار کو مال روڈ ہر طرح کی ٹریفک کے لیے بند ہوگا، مال روڈ پر اتوار کو صرف سائیکل چلاسکیں گے۔
اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
