تھائی لینڈ کی پولیس نے ایک ہفتے سے بھی کم عرصے میں ایک ٹن سے زائد کرسٹل میتھ اپنے قبضے میں لے لی۔
غیر ملکی میڈیا کی خبروں کے مطابق چائے اور کافی کے پیکجوں کے اندر اور گاڑیوں کے خفیہ خانوں میں کرسٹل اسمگل کی جا رہی تھی جسے تھائی لینڈ کی پولیس نے برآمد کر لی ہے۔
تھائی لینڈ کی پولیس کا کہنا ہے کہ کورونا لاک ڈاؤن کے بعد جب سے ملک کی سرحدیں کھلی ہیں تو منشیات کی اسمگلنگ میں اضافہ ہو گیا ہے۔
تھائی لینڈ کی پولیس نے ملک کے شمال اور جنوبی علاقوں میں منشیات کی منشیات کی اس بڑی کھیپ کے ساتھ 10 افراد کو گرفتار بھی کیا ہے۔
تھائی لینڈ کے نارکوٹکس سپریشن بیورو نے کہا کہ 1.145 ٹن کرسٹل میتھ – چائے اور کافی کے پیکجوں میں اسمگل کی گئی اور گاڑیوں کے خفیہ ڈبوں میں چھپائی گئی۔
بیورو کے مطابق یہ کرسٹل تھائی لینڈ کے شمالی اور شمال مشرقی علاقے سے ملک کے جنوب میں سرحدی علاقوں میں آگے کی ترسیل کے لیے لے جائی جا رہی تھی۔.
رائل تھائی پولیس کے ڈپٹی کمشنر جنرل چناپت سارسین نے کہا کہ ہم نے منشیات، کرسٹل میتھمفیٹامائن ضبط کی ہے، جس کی مجموعی ضبط شدہ اشیاء میں سے 1.1 ٹن سے زیادہ ہے۔
ڈپٹی کمشنر جنرل چناپت سارسین نے کہا کہ کرسٹل میتھ زیادہ تر تھائی لینڈ کے راستے دوسرے ممالک کو نقل و حمل کی سہولت کی وجہ سے برآمد کیا جاتا ہے۔
جنرل چناپت سارسین کے مطابق ان میں سے کچھ منشیات کو جنوبی صوبوں میں لے جانے سے پہلے ایک مدت کے لیے رکھا گیا تھا، اور بعد میں انہیں دوسرے ممالک میں بھیج دیا جانا تھا۔
