رہنما پی ٹی آئی اسد قیصر نے کہا ہے کہ عمران خان نے ہمیشہ عدالتوں کا احترام کیا ہے۔

تفصیلات کے مطابق پاکستان تحریک انصاف کے رہنما اسد قیصر نے سماجی رابطے کی ویب سائٹ ٹویٹر پر ا پنے ایک پیغام میں کہا کہ عمران خان کی سیشن عدالت سے وارنٹ گرفتاری جاری کرنا سمجھ سے بالا تر ہے۔

اسد قیصر نے کہا کہ عمران خان نے ہمیشہ عدالتوں کا احترام کیا ہے اور ایک دن میں چار چار دفعہ عدالتوں میں پیش ہو رہا ہے۔

رہنما پی ٹی آئی  اسد قیصر نے مزید کہا کہ یہ جتنا بھی زور لگائے عمران خان کو شکست نہیں دے سکتے وہ ڈٹ کہ کھڑا ہے اور جلد سرخروح ہوگا،انشاءاللہ۔