یہ انتباہ امریکہ کی جانب سے کئی دہائیوں میں پہلی بار جنوبی کوریا کو جوہری آبدوز بھیجنے کے چند روز بعد سامنے آیا ہے۔

غیر ملکی میڈیا کی رپورٹس کے مطابق شمالی کوریا کے وزیر دفاع نے امریکہ کو متنبہ کیا ہے کہ جنوبی کوریا میں جوہری اثاثوں کی تعیناتی اس کے جوہری ہتھیاروں کے استعمال کی شرائط پر پورا اتر سکتی ہے۔

کورین میڈیا کی رپورٹ کے مطابق کانگ سن نام کا یہ بیان امریکہ کی جانب سے کئی دہائیوں میں پہلی بار رواں ہفتے جنوبی کوریا کو جوہری ہتھیاروں سے لیس بیلسٹک میزائلوں سے لیس آبدوز بھیجنے کے جواب میں سامنے آیا ہے۔

کانگ سن نے ایک بیان میں اپنے ملک کو اس کے سرکاری نام ڈیموکریٹک پیپلز ریپبلک آف کوریا کا حوالہ دیتے ہوئے کہا کہ اسٹریٹجک جوہری آبدوز اور دیگر اسٹریٹجک اثاثوں کی تعیناتی میں مسلسل اضافہ شمالی کوریا کے قانون میں متعین جوہری ہتھیاروں کے استعمال کی شرائط کے تحت آ سکتا ہے۔

امریکہ اور شمالی کوریا کے درمیان حالیہ ہفتوں میں کشیدگی میں اضافہ ہوا ہے کیونکہ پیانگ یانگ نے واشنگٹن اور بین الاقوامی پابندیوں کی خلاف ورزی کرتے ہوئے اپنے بیلسٹک میزائل تجربات میں اضافہ کیا ہے۔

گزشتہ ہفتے کے اواخر میں امریکہ، جنوبی کوریا اور جاپان نے ایک مشترکہ بیان جاری کیا تھا جس میں شمالی کوریا کے بین البراعظمی بیلسٹک میزائل کے تجربے کی مذمت کی گئی تھی۔

بیان میں کہا گیا ہے کہ امریکہ نے اس بات کا اعادہ کیا ہے کہ جنوبی کوریا اور جاپان کے دفاع کے لیے اس کے وعدوں کو جوہری صلاحیتوں سمیت تمام صلاحیتوں کی حمایت حاصل ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں