تاجکستان میں موسلادھار بارشوں کے باعث تین قصبوں میں 21 افراد ہلاک ہو گئے ہیں۔
غیر ملکی میڈیا کی خبروں کے مطابق تاجکستان میں تین روز سے جاری موسلادھار بارشوں کے باعث سیلاب، لینڈ سلائیڈنگ اور مٹی کے بہاؤ کے باعث کم از کم 21 افراد ہلاک ہو گئے ہیں۔
ہنگامی حالات سے متعلق کمیٹی کے ایک ترجمان نے غیر ملکی خبر رساں ادارے کو بتایا کہ ’21 افراد ہلاک ہو چکے ہیں’ جو پیر کے روز 13 تھے۔
یہ ہلاکتیں وسطی تاجکستان کے تین قصبوں میں ہوئیں جو دارالحکومت دوشنبے سے زیادہ دور نہیں ہیں۔
سوشل میڈیا پلیٹ فارمز پر تصاویر اور ویڈیوز سامنے آئی ہیں، جن میں گاڑیوں کو سیلاب اور تباہ شدہ سڑکوں پر دکھایا گیا ہے۔
Tajikistan – Flash Floods and Landslides Leave 13 Dead https://t.co/LkHWBzpIoM via @FloodList pic.twitter.com/BdiL0o8B60
— FloodList (@FloodList) August 29, 2023
حکومت نے پیر کے روز کہا تھا کہ شدید بارشوں کی وجہ سے لینڈ سلائیڈنگ کا خطرہ زیادہ ہے اور اس نے لوگوں کو محتاط رہنے کی تنبیہ کی ہے، خاص طور پر تاجکستان کے پہاڑوں کے آس پاس۔
ملک میں یورپی یونین کے سفیر ریمنڈاس کروبلس نے متاثرین کے اہل خانہ سے تعزیت کا اظہار کیا ہے۔
ایران اور دیگر ممالک کی حکومت نے تاجکستان کی حکومت کو اپنی حمایت کی پیش کش کی ہے۔
حالات حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں
ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں
پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں
