لاس اینجلس ایف سی کے خلاف میچ کے دوران لیونل میسی کے مداح نے گراؤنڈ میں بھاگ کر لیونل میسی پر حملہ کرنے کی کوشش کی۔
غیر ملکی خبررساں ادارے کے مطابق انٹرمیامی کی نمائندگی کرتے ہوئے لاس اینجلس ایف سی کے خلاف ایک میچ کے دوران ارجنٹینا کے اسٹار فٹبالر کے ایک مداح نے گراؤنڈ میں اپنے پسندیدہ کھلاڑی کو پکڑنے کی کوشش میں دوڑ لگائی اور اس تک پہنچنے میں کامیاب بھی ہوا لیکن دوسری طرف سے لیونل میسی کے باڈی گارڈ نے بھاگتے ہوئے اسے پکڑلیا۔
اس دوران گراؤنڈ کے اطراف میں موجود سیکیورٹی گارڈز نے بھی دوڑ لگائی لیکن اس سے پہلے میسی کا ذاتی باڈی گارڈ اس مداح تک پہنچنے میں کامیاب ہوگیا تھا جو شاید لیونل میسی کو گلے لگانے کی کوشش کررہا تھا۔
Messi's bodyguard >>>> Usain Bolt.
What 😂😭pic.twitter.com/c8gPOAsDs4
— Chris. (@ChrisIdogar) September 4, 2023
خیال رہے کہ پیرس سینٹ جرمن سے معاہدہ ختم ہونے کے بعد امریکی کلب انٹرمیامی میں آنے کے بعد لیونل میسی کا اب تک کا سفر نہایت شاندار رہا ہے وہ اب تک 11 گول خود کرچکے ہیں اور ساتھی کھلاڑی سے اپنے پاس کی مدد سے 5 گول کروانے میں کامیاب رہے ہیں۔
